Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Wurktiid TV: Distribúsjesintrum Nieuwe Weme

Wurktiid TV: Distribúsjesintrum Nieuwe Weme

04 Juny 1997

Yn Wurktiid TV sjogge we it wurk fan ferskate bedriuwen. Yn dizze ôflevering giet it oer it distribúsjesintrum fan supermerkkonsern Nieuwe Weme op It Hearrenfean. Se leverje oan 38 winkels út in hiel grut magazyn wei. Bêste kollega is Piet Pietersen, nei 44 jier by de Keninklike Loftmacht giet er mei pensjoen. Der is in oprop foar wurk en der is ek wurk foar in timmerman yn Wergea.

Hjoed: alderearste útstjoering

Hjoed: alderearste útstjoering

04 Febrewaris 1994

Omrop Fryslân begûn yn 1994 mei regionale telefyzje. De allerearste útstjoering wie op 4 febrewaris, presintearre troch Dieuwke Kroese. Dêryn sit in reportaazje oer de komst fan it sâltfabryk Frima yn Harns dat wurk biede sil oan 60 minsken. By Winaam sit in soad sâlt yn de grûn dêr't boarre wurdt. Ek is in ferslach fan de nijbou fan it Abe Lenstra stadion op It Hearrenfean. Dêrfan is it heechste punt berikt. De fuotbalklup wol mei in publyksaksje in diel fan it jild ophelje by de fans. Op de beurs BOOT yn Ljouwert is te sjen dat de animo foar boaten en it wurk op de werven wer tanimt.

VX-270627

PM-TV: Frysk Shanty Rekord

23 April 2002

PM TV mei "it Frysk Shanty Rekord". Goed 1400 sjongers fan 61 shantykoaren en nochris goed hûndert muzikanten: mei-inoar foarmen se op sneon 20 april 2002 yn Thialf it grutste shantykoar fan Nederlân. Se sjonge 'Fries om Utens' fan it Snitser shantykoar Rolling Home, de klassiker 'It's five 'o clock in the morning' en in nije Fryske shanty dy't spesjaal foar dit barren skreaun is troch Anne Oosterhaven.