Weromrop

Skriuwerslibben Josse de Haan

29 April 2001

Portret fan Frysk skriuwer Josse de Haan, berne yn 1941. We sjogge him yn syn bertedoarp Peins, dat yn syn boek Piksjitten op Snyp in grutte rol spilet en we sjogge him yn Hendaye, dêr't er wennet yn Baskelân. Ek al sit er op ôfstân, hy folget de Fryske literatuer op de foet en skriuwt yn syn memmetaal.

Lês mear oer Skriuwerslibben Josse de Haan

Skriuwerslibben: Nynke fan Hichtum

25 Maart 2001

Portret fan Nynke fan Hichtum, pseudonym fan Sjoukje Troelstra-Bokma de Boer, berneboekeskriuwster en oant de skieding frou fan Piter Jelles Troelstra. Der is noch altyd in soad belangstelling foar har, der is in roman en biografy ferskynd, in tentoanstelling en in film. Filmmakker Pieter Verhoeff, biograaf Aukje Holtrop en FLMD-direkteur en skriuwster Tineke Steenmeijer-Wielenga beljochtsje libben en wurk fan de frou dy't libbe fan 1860 oant 1939.

Lês mear oer Skriuwerslibben: Nynke fan Hichtum

It fertriet fan Oerterp: de grifformearde frijmakking yn 1946

18 April 2001

De grifformearde frijmakking yn 1946 spjalte it doarp Oerterp yn twa groepen: de grifformeard synodalen en de grifformeard frijmakken. It joech striid en de skuor is noch altyd fielber, op skoalle, yn tsjerke en by it korps. Inkeld op it begraafplak lizze beide leauwigen trochinoar hinne. Ynwenners fertelle oer de kwestje.

Lês mear oer It fertriet fan Oerterp: de grifformearde frijmakking yn 1946

Gerrit Aalfs, filmer yn Fryslân

11 Maart 2001

Portret fan Gerrit Aalfs (1892-1970) dy't Fryslân op tal fan films fêstlei. Syn film oer de Suderseewurken, it oanlizzen fan de Ofslútdyk wie hiel suksesfol. Berne yn it Drintske Vries wenne en wurke Aalfs jierren út Harns wei. Op syn motor troch de provinsje lei er it boerelibben en de natuer fêst. Hy joech ek filmfoarstellingen en makke mei oaren de earste Fryske spylfilm 'Kar út twa' yn 1937. Ek filme er de besite fan keninginne Juliana oan Fryslân yn 1950 en de iepening fan it Ljouwerter fleanfjild. Op syn 59ste hâlde er op mei filmjen en gie mei syn Fryske frou werom nei Drinte.

Lês mear oer Gerrit Aalfs, filmer yn Fryslân

Samlersbloed

04 Maart 2001

Portret fan twa keunstsamlers: Cor van der Ploeg en Daisy Posthuma. Se litte sjen wat se oan keunst kocht hawwe yn de rin fan de jierren en wat dy passy foar har betsjut. Ek sjogge we dat se op besite gean by de keunstner yn syn atelier. Van de Ploeg by Klaas Koopmans en Posthuma by Gjalt Walstra. We sjogge ek op in feiling dêr't keunst wurdt ferkocht.

Lês mear oer Samlersbloed

Hjir en dêr. Molukkers yn Fryslân

21 Oktober 2001

In weromblik út 2001 op de komst fan Molukkers nei Fryslân, doe fyftich jier lyn. Flak by Easterwâlde leine twa fan de fjouwer Fryske kampen der't de Molukkers opfongen waarden. Yn de sechtiger jierren waarden de kampen ôfbrutsen.

Lês mear oer Hjir en dêr. Molukkers yn Fryslân

Tsjinstber

17 Septimber 2000

Portret fan fjouwer froulju. Alie Veldman wie 38 jier ûnderwizeres, Hinke Dijkstra wie ynpakster op it bûterfabryk, Grietsje Kroese-de Jong wie ferpleechster en Gien Geestman wie juf op in bernedeiferbliuw. Se fertelle oer har wurk, oplieding en ûnderfiningen en sjogge wat der allegear feroare is.

Lês mear oer Tsjinstber

Skriuwerslibben Piter Boersma

25 Febrewaris 2001

Piter Boersma is berne yn 1947 yn Warten yn in roomske húshâlding. Hy fertelt oer syn libben en wurk, tematyk en feroaringen yn syn skriuwen. We sjogge mei him yn Warten en yn syn hûs yn Wiuwert lêst er foar út eigen wurk. Yn 1972 rjochte er literêr tydskrift Hjir op dêr't er noch altyd redakteur fan is. Yn 1998 krige er de Gysbert Japicxpriis foar syn boek 'It libben sels'.

Lês mear oer Skriuwerslibben Piter Boersma

De otter komt werom

18 Febrewaris 2001

Yn 1988 ferdwûn de otter yn Fryslân en mei in yntinsyf werstelplan wurdt besocht it bist werom te krijen. Belutsen partijen lykas It Fryske Gea fertelle oer wat der allegear oan foarôfgien is, om it leefgebiet foar de otter better te meitsjen. Yn de Alde Feanen is lân ûnder wetter set en der binne passaazjes oanlein by de dyk. De otters krije in stjoerder mei sa't se folge wurde kinne. Yn otterpark Aqualutra sjogge we by de otters.

Lês mear oer De otter komt werom

Rijderijen in Frieschen trant: skiednis fan it koartebaanriden

11 Febrewaris 2001

It koartebaanriden wie foar de oarloch populêr yn Fryslân. Al yn de 18de iuw skreaunen kastlein wedstriden út - foar de manlju 160 meter en 140 foar de froulju - en rieden de winners om prizen. De reedrydwedstriden lutsen grutte kloften publyk. Ald-kampioenen, lykas Atje Keulen-Deelstra, komme oan it wurd en saakkundige Hedman Bijlsma fertelt oer de skiednis. Neist prizen is der ek in soad argyfbyld te sjen. Ek Thialf op It Hearrenfean hat in baan foar de koartebaanwedstriden.

Lês mear oer Rijderijen in Frieschen trant: skiednis fan it koartebaanriden

In Fryske file: ferkearsproblemen fan Ljouwert

04 Febrewaris 2001

Yn en om Ljouwert rint it ferkear geregeld fêst. Tal fan saakkundigen bûge har oer it probleem en we sjogge yn de praktyk wêr't ferkearsdielnimmers, lykas taksy- en bussjauffeurs tsjinoan rinne. De files kostje it bedriuwslibben in soad jild. In heak om Ljouwert soe de problemen oplosse sadat ferkear net mear troch de stêd hoecht. It iepenbier ferfier komt oan de oarder en we folgje Ypke Gietema yn syn syktocht om by it provinsjehûs te kommen.

Lês mear oer In Fryske file: ferkearsproblemen fan Ljouwert

Skriuwerslibben op ynternet

28 Jannewaris 2001

Fjouwer Fryske skriuwers binne dwaande op it nije medium ynternet.Cornelis van der Wal, Albertina Soepboer, Eeltsje Hettinga en Joop Boomsma fertelle oer har eigen side op ynternet en wat de foardielen derfan binne. Se kinne sels wurk pleatse, it is in reklameboerd. Hettinga makket sels in ynternettydskrift Kistwurk. Skriuwer Trinus Riemersma hat ek in eigen side makke, mar hat fierder net folle aardichheid oan it ynternet en freget him ôf oft it de Fryske literatuer fierder helpe sil.

Lês mear oer Skriuwerslibben op ynternet

Weromrop.frl - útstjoerings

It mystearje fan it Oera Linda Boek

Sadwaande: Nijbou, de oanlis fan Zuiderburen

Philips, de motor fan Drachten

Sykje