Weromrop

In lange les: lêste kâns foar Frysk op skoalle?

09 Septimber 2001

It fak Frysk is al 20 jier ferplichte op de basisskoalle mar net op alle skoallen wurdt likefolle dien. We sjogge op in skoalle yn Boksum dy't ien fan de seis trijetalige skoallen is. Yn de leechste groepen is Frysk en Nederlânsk lykweardich en yn de heechste groepen komt der noch Ingelsk by. Tal fan ynstânsjes fertelle wat se dogge oan Frysk taalûnderwiis lykas de Fryske Akademy, de provinsje, Omrop Fryslân, de pabo, en dosinten, ynspekteur en deputearre komme ek oan it wurd. We sjogge watfoar taalmetoaden oft der binne.

Lês mear oer In lange les: lêste kâns foar Frysk op skoalle?

De nonnen fan De Blijenhof

02 Septimber 2001

Yn 1962 waard yn Burgum De Blijenhof oprjochte, in hospitium fan de susters fan Franciscanessen van Oirschot. Mei elkoar ha der 20 susters wurke, de lêste trije gean no fuort. De susters sjogge werom op har tiid en fertelle oer har wurk en driuwfear. Ek (âld-)bewenners komme oan it wurd, oer it wenjen yn de opfang.

Lês mear oer De nonnen fan De Blijenhof

De see komt oer it lân: It Waad (diel 2)

10 Juny 2001

Yn dit twadde diel sjogge we oan fêste wâl, by de kust fan Marrum ûnder oare. Nei jierren fan ynpolderjen wie de Lauwerssee it lêste stik dat ynpoldere waard. In slykwurker fertelt hoe't eartiids wurke waard op de kwelders. No wurdt boerelân natuer. We sjogge ek oer de grins by de kust, yn Grinslân en yn Dútslân. It Noarderleech is no in plak dêr't fee weidzje kin.

Lês mear oer De see komt oer it lân: It Waad (diel 2)

Mei de stream mei; It Waad (diel 1)

03 Juny 2001

It Waad feroaret al iuwenlang, de eilannen 'skowe' op, doarpen ferdwine en kustlinen feroarje. Tal fan saakkundigen fertelle op It Amelân wat der allegear bart (boaiemdelgong, seespegelstiging) en watfoar gefolgen dat hat foar minske en natuer. Oan it wurd komme û.o. ûndersikers, in kokkelfisker, ien fan It Fryske Gea en in strântinte-eigener.

Lês mear oer Mei de stream mei; It Waad (diel 1)

Faze 4: Wer oan it wurk

03 Juny 2001

Faze 4 is de beneaming foar minsken mei in ôfstân ta de arbeidsmerk, dy't dreech oan it wurk komme. Trije minsken komme oan it wurd en fertelle oer har ûnderfiningen en we sjogge de kant fan de minsken dy't helpe, lykas in reyntegraasjebedriuw, gemeente en maatskiplik wurk.

Lês mear oer Faze 4: Wer oan it wurk

Limosa, de skries

20 Maaie 2001

Greidefûgel de skries (Limosa yn it Latyn) wurdt al jierren bedrige. It tal briedpearen nimt hurd ôf troch minder blomrike greiden en de komst fan nijbou, drainaazje en maisbou. Yn Fryslân wienen trije polders belangryk foar de skries: Haulerpolder, Skrok en Himpensermarpolder. In rêdingsplan moat de fûgel behâlde. Ferskate organisaasjes wurkje dêryn gear, lykas boeren (oars meane) en fûgelwachters beskermje de nêsten. En de predaasje is ek in bedriging.

Lês mear oer Limosa, de skries

Cambuur promovearret hast op 30 maaie 1998

01 Juny 1998

Op 30 maaie 1998 wie de earedifyzje wer yn sicht foar Cambuur. De blommen en sjampanje stiene al klear, mar der moast earst noch wol wûn wurde fan FC Den Bosch. En dat slagge net. Yn it eigen stadion waard it 2-2. Yn it programma Boppeslach in ferslach fan de wedstryd tsjin Den Bosch.

Lês mear oer Cambuur promovearret hast op 30 maaie 1998

Spanning by de Cambuur-supporters 2 juny 1998

02 Juny 1998

Op 2 juny 1998 reizgen sawat tûzen Cambuur-supporters ôf nei Swolle, foar de beslissingswedstriid yn de neikompetysje. Cambuur mocht mei trije doelpunten ferskil fan Zwolle ferlieze, om dochs te promovearjen nei de earedifyzje. Omrop Fryslân die op 2 juny 1998 ferslach fan de spanning by de supporters foarôfgeand oan dy lêste wedstryd.

Lês mear oer Spanning by de Cambuur-supporters 2 juny 1998

Huldiging Cambuur 2 juny 1998

03 Juny 1998

In ferslach fan de huldiging fan Cambuur op 2 juny 1998. De Ljouwerter fuotbalclub Cambuur hie dy jûns mei 2-1 fan FC Zwolle wûn en dêrmei foar de twadde kear promoasje nei de earedifyzje helle. By weromkomst út Swolle wachte in stadion fol supporters de spilers op.

Lês mear oer Huldiging Cambuur 2 juny 1998

Frijwilligers yn Fryslân: Net foar it jild, net foar de eare...

13 Maaie 2001

Trije portretten fan minsken dy't frijwilligerswurk dogge. Cees wurket by Slachtofferhulp, Riek by de telefoanyske helptsjinst SOS en Rein en Marie ha it kristlike opfangsintrum Lichtpunt. We sjogge se oan it wurk en se fertelle oer har wurk en wat se der sa moai oan fine. Se dogge it net foar it jild, en net foar de eare.

Lês mear oer Frijwilligers yn Fryslân: Net foar it jild, net foar de eare...

Wat kaam, wie en fergie: Byldzjend keunstner Gerrit Terpstra

06 Maaie 2001

Portret fan byldzjend keunstner Gerrit Terpstra. We sjogge yn syn atelier yn Heech dêr't er fertelt oer syn fassinaasjes, ynspiraasje, deiwurkboeken en wurk. Syn freonskip mei byldzjend keunstner Gerrit de Wilde (wurket yn Makkum) komt te praat en De Wilde fertelt er wat him oansprekt yn it wurk. Mei skriuwer Eppie Dam wurke Terpstra ek gear, Dam fertelt deroer. En we sjogge Terpstra dwaande mei in tentoanstelling yn it tsjerkje fan Ginnum.

Lês mear oer Wat kaam, wie en fergie: Byldzjend keunstner Gerrit Terpstra

Skriuwerslibben Josse de Haan

29 April 2001

Portret fan Frysk skriuwer Josse de Haan, berne yn 1941. We sjogge him yn syn bertedoarp Peins, dat yn syn boek Piksjitten op Snyp in grutte rol spilet en we sjogge him yn Hendaye, dêr't er wennet yn Baskelân. Ek al sit er op ôfstân, hy folget de Fryske literatuer op de foet en skriuwt yn syn memmetaal.

Lês mear oer Skriuwerslibben Josse de Haan

It Petear

Oerol

Wâldrock

It Wetter Op

Fryslân yn de tritiger jierren

Weromrop.frl - útstjoerings

Minskewurk 4: Skilders

Om Utens: Lút Zylstra yn Tanzania diel 2

MG tefee mei Sybe Satellyt 16

Sykje