Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

180628_SADWAANDE_13_02_2002_TOPFROULJU.mp4

Sadwaande: Topfroulju

13 Febrewaris 2002

Dizze Sadwaande giet oer topfroulju. We prate mei trije froulju oer de foar- en neidielen fan froulju yn de top fan it bedriuwslibben en hoe't dat mei de famylje te kombinearjen is. It binne Marijke Migo, direkteur Thialf, Marianne van Hall, baas by SKL en Jolanda van der Meulen dy't nei in karriêre keazen hat om by de bern te bliuwen. Floris siket it ek hegerop.
Mata Hari: de ferbylding fan in myte

Mata Hari: de ferbylding fan in myte

14 Oktober 1990

In greep út de Mata Hari-fertolkingen leart, dat elk wer mei syn eigen Mata Hari oankomt. Hieltyd op 'e nij sprekt se ta de ferbylding: de dûnseres, dy't as spionne de deastraf krige. Yn it ramt fan it Frysk Festival ferdjippe Rients Gratama him yn har turbulinte libben. De lêste moannen wie in entûsjaste ploech dwaande om harren eigen Mata Hari yn in musical stâl te jaan.
Skriuwers yn byld: Douwe Tamminga

Skriuwers yn byld: Douwe Tamminga

14 Maaie 1987

Ynterview mei de Fryske skriuwer, dichter en oersetter Douwe Tamminga (1909-2002). We sjogge by syn eardere hûs yn Kiestersyl dêr't er as 12-jierrige kaam te wenjen. Yn syn bungalow yn Ysbrechtum fertelt er oer syn libben en wurk. Hy learde foar ûnderwizer en wie learaar Frysk en Nederlânsk, mar waard letter wurdboekskriuwer by de Fryske Akademy, hy wurke tolve jier oan de letter B. Hy skreau ek in soad oer de Fryske taal.