Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

It Oare Fryslân 3: de Noard-Fryske taal

12 Desimber 1999

It Oare Fryslân is in fjouwerdielige rige oer East-en Noardfryslân. Yn diel trije stiet de Noard-Fryske taal sintraal, dy't noch hieltyd bestiet. It wurdt praat troch sa'n 10.000 minsken yn njoggen dialekten. Jarich Hoekstra fan de Universiteit fan Kiel wurket dêr oan de Wörterbuchstelle sûnt april 1999. Hy bestudearret de ferskate dialekten mei oaren. Lykas it Ferring fan it eilân Föhr. Fierder binne der opnames by de NDR en dr. Jakob Tholund.

Sealter-Friezen 01

06 Augustus 1996

Se steane yn it Guinness Book of Records as de lytse taalminderheid fan Europa: de Sealter-Friezen yn Dútslân. In trijedielige simmerrige fan Onno Falkena.

Hjoed: Dominomosk oerdroegen oan Natuurmuseum Rotterdam

15 Desimber 2005

Der is hjoed wer in haadstuk taheakke oan de soap om de dominomosk hinne. Yn in fakânsjehûs yn Makkingea is hjoed de oerdracht fan de mosk oan it natuermuseum Rotterdam. De bûtengewoan opspoaringsamtner fan de provinsje hat de dominomosk wikenlang yn 'e kuolkast lizzen hân. Hy hat it bistje fuortendalik nei it deadlike gewearskot ophelle by de skutter út Lelystêd. Dêrnei woe eltsenien de mosk wol hawwe. It natuermuseum Rotterdam kaam as winner út de bus. Se binne sa bliid as in protter, eh mosk.