Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Hjoed: Hûneshow 21 april 2003

Hjoed: Hûneshow 21 april 2003

21 April 2003

Op de tradisjonele ynternasjonale hûneshow yn it Ljouwerter FEC wie hjoed de fûgelpestkrisis ek te fernimmen. Der binne ekstra feedokters ynset om twifelgefallen út it suden en België te keuren. Guon dielnimmers mochten net meidwaan en oaren út Brabân woene net. De organisaasje hopet mei de maatregels foar te kommen dat de tûzenen besikers fan de hûneshow it firus ferspriede.
SADWAANDE_180298_V2

Sadwaande: ambulânseferfier, bêdetest en frijwilliger (diel 1)

18 Febrewaris 1998

Sadwaande is in programma dat him rjochtet op de ekonomy en bedriuwen. Nije fakatueres, ûndernimmers fan it jier en wa is de bêste kollega, in hiel soad ûnderwerpen komme foarby yn dit programma. Dizze kear sjogge we by de ambulânse, hoe sjocht dy derfan binnen út? En wat komt der allegear sjen by it keapjen fan in nij bêd? In fysioterapeut leit út wat in matras mei de rêch docht en we sjogge wat frijwilliger Tineke de Jager docht as gastfrou yn it Antonius sikehûs yn Snits, dat is diel ien fan in nije rige fan fjouwer ôfleveringen.
Hjoed: Dominomosk oerdroegen oan Natuurmuseum Rotterdam

Hjoed: Dominomosk oerdroegen oan Natuurmuseum Rotterdam

15 Desimber 2005

Der is hjoed wer in haadstuk taheakke oan de soap om de dominomosk hinne. Yn in fakânsjehûs yn Makkingea is hjoed de oerdracht fan de mosk oan it natuermuseum Rotterdam. De bûtengewoan opspoaringsamtner fan de provinsje hat de dominomosk wikenlang yn 'e kuolkast lizzen hân. Hy hat it bistje fuortendalik nei it deadlike gewearskot ophelle by de skutter út Lelystêd. Dêrnei woe eltsenien de mosk wol hawwe. It natuermuseum Rotterdam kaam as winner út de bus. Se binne sa bliid as in protter, eh mosk.