Weromrop

Friezen yn in wrâldstêd

26 Oktober 2003

We sjogge by de Fryske krite yn Amsterdam dy't 65 jier bestiet, se ha in feestjûn mei Teake van der Meer. Tal fan Friezen gienen nei de grutte stêd Amsterdam, ûnder oare om wurk te finen. Histoarikus Frank Suurenbroek fertelt deroer en der is in soad argyfmateriaal te sjen. Twa Friezen om utens dogge har ferhaal: akteur Hilbert Dijkstra (dy't ek by Tryater spilet) en Tryntsje Hemstra dy't as ferpleechkundige nei de stêd kaam. Hoe is de oergong foar har en hoe Frysk fiele se har?

Lês mear oer Friezen yn in wrâldstêd

Portret fan lobbyist Jan Eisenga

19 Oktober 2003

Jan Eisenga wurket as lobbyist foar de trije noardlike provinsjes yn Den Haag. Hy praat in soad mei Keamerleden en hat fansels kontakten yn de provinsjes. Ien fan syn dossiers is de hege snelheidsline. We sjogge him oan it wurk en we komme yn de kunde mei syn opfolger Henk Postma.

Lês mear oer Portret fan lobbyist Jan Eisenga

Folsgeare on-line: de striid foar breedbân-ynternet op it plattelân

12 Oktober 2003

Hûnderten doarpen op it plattelân ha gjin breedbân-ynternet. Grutte bedriuwen ynvestearje net yn dy lytse doarpen omdat dat net út kin. Op allerhanne plakken ûntstean inisjativen om in ADSL-netwurk of wat ferlykbers oan te bieden. We sjogge yn Nijlân, Seisbierrum en Drylts. Ek bedriuwen komme oan it wurd en de polityk fan de trije noardlike provinsjes prate oer in plan fan oanpak.

Lês mear oer Folsgeare on-line: de striid foar breedbân-ynternet op it plattelân

Enerzjy yn wyn

28 Septimber 2003

Foar- en tsjinstanners fan wynmûnen komme oan it wurd. Tsjinstanners ha noed oer de oantaasting fan it lânskip en de oerlêst, foarstanners wolle skjinne enerzjy en it smyt wat op. Yn Sibrandahûs is mei sukses fûl protestearre tsjin ferskate plannen, mar de relaasje mei de buorlju waard net better. Yn Boazum hat in boer ien mûne pleatst, de buorlju goed 200 meter fierderop ha oerlêst. Ek in heechlearaar komt oan it wurd, krekt as de polityk en de projektûntwikkeler.

Lês mear oer Enerzjy yn wyn

Koos Dalstra yn Nice

14 Septimber 2003

We folgje Frysk dichter en keunstner yn syn ferbliuw yn Nice, Frankryk. Syn heit wie frankofyl en bruts in stientsje út in koarstoel út de katedraal fan Blois, doe't er dêr yn de oarloch oan it wurk wie. Dat sûvenir bringt Dalstra nei Frankryk, om net inkeld in fysike reis te meitsjen, mar ek in geastlike reis. We folgje him yn syn libben, by de haven, troch de stêd, yn it museum en by it talefestival. Syn plan is om in boek te meitsjen.

Lês mear oer Koos Dalstra yn Nice

150 jier PC: diel 3 'De kroan op de karriêre'

29 Juny 2003

Yn dit diel oer de PC, de belangrykste keatswedstriid fan it jier op it Sjûkelân yn Frjentsjer, giet oer de winners. Ferskate winners, net altyd ek keningen, komme oan it wurd en tinke werom. Under de sprekkers: Hotze Schuil, nûmer 1 fan it klassemint aller tiden, hy keatste fan 1945 oant 1968, Johannes Brandsma, Gerrit Okkinga, Sake Saakstra, Piet Jetze Faber dn Sake Porte.
En it giet oer de druk om te winnen en hoe om te gean mei ferlies.

Lês mear oer 150 jier PC: diel 3 'De kroan op de karriêre'

150 jier PC: diel 2 'De dei is uzes mei-inoar'

22 Juny 2003

Yn dit diel oer de PC, de belangrykste keatswedstriid fan it jier op it Sjûkelân yn Frjentsjer, giet it oer tradysjes, lykas as de lotting, en keatsgeneraasjes. Keatsleafhawwers komme oan it wurd, foarsitter Jan van der Meij komt oan it wurd, krekt as keatshistoarikus Pieter Breuker. Der binne is soad wedstriidbylden te sjen en ek argyfmateriaal.

Lês mear oer 150 jier PC: diel 2 'De dei is uzes mei-inoar'

150 jier PC: diel 1 'In klassike folkssport'

15 Juny 2003

De PC op de fiifde woansdei fan july op it Sjûkelân yn Frjentsjer is al jierren de belangrykste keatswedstriid fan it jier. Yn dit diel sjogge we nei it ûntstean en wat de PC no sa bysûnder makket. Foarsitter Jan van der Meij komt oan it wurd, krekt as keatshistoarikus Pieter Breuker. Der binne is soad wedstriidbylden te sjen en ek argyfmateriaal. De PC (Permanente Commmissie) is yn 1853 oprjochte nei't der amper mear belangstelling wie foar de Balverkaatsdag. De PC moast in fatsoenlik feest wurde, fûn betinker Jan Bogtstra dy't mar leafst 40 jier PC-lid wie.

Lês mear oer 150 jier PC: diel 1 'In klassike folkssport'

It ryk fan Jos Thie

25 Maaie 2003

We sjogge by de tariedingen en repetysjes fan Kening Lear, in stik dat Tryater opfiert yn it Fries Paarden Centrum. Artistyk lieder en regisseur fertelt oer it stik fan Shakespeare. We sjogge by it ûntwerpen fan de kostúms en it dekôr. Yn it stik dogge ek Fryske hynders mei. We sjogge fierder by in lêsrepetysje, by de repetysje fan amateurspilers en it casten fan in bern foar de produksje.

Lês mear oer It ryk fan Jos Thie

Asja - nij libben

18 Maaie 2003

Asja is it opfanghûs foar froulju dy't slachtoffer wurden binne fan loverboys en sa yn de twongen prostitúsje kamen. Mei help fan in strak skema leare se in nij deiritme en har libben wer op te pakken. Twa froulju dogge har ferhaal, we hearre fan in ûndersiker oer minskehannel en hearre hoe't de plysje mei it Weaze-team besiket de kriminaliteit yn de rosse buert fan Ljouwert te kearen.

Lês mear oer Asja - nij libben

De muzyk fan it lânskip - oer komponist Pieter Bakker

20 April 2003

Pieter Bakker is komponist en (de stilte fan) it Fryske lânskip ynspirearret him, lykas de Aldegeaster Brekken by Sânfurd. Hy fertelt oer syn wurk, we sjogge him oan it wurk en we hearre syn wurk. By in repetysje fan Capella Frisiae, Excelsior yn Skraard en op it kariljon fan Dokkum. Bakker fotografearret it lânskip ek en dat ynspirearre keunstner Gerrit de Wilde ta in eksposysje.

Lês mear oer De muzyk fan it lânskip - oer komponist Pieter Bakker

De Fryske walfiskfarders

13 April 2003

Walfiskfarders moetsje inoar op in reüny yn Amsterdam. Mei in pear sjogge we werom op it wurk dat se dienen oan board fan de Willem Barendsz yn de jierren fyftich doe't se útfearen om op walfisken te jeien. En hoe sjogge se no werom op hat wurk? Heechlearaar arktyske wittenskippen Louwrens Hacquebord fertelt oer de skiednis fan de walfiskfeart.

Lês mear oer De Fryske walfiskfarders

Weromrop.frl - útstjoerings

Wyn op Woansdei: Flechtlingesoarch

Sadwaande: Frysk

De see komt oer it lân: It Waad (diel 2)

Sykje