Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Seis_Gymnasium_4

6 Gymnasium diel 4

28 Juny 2005

De lêste ôflevering fan 6 Gymnasium stiet hielendal yn it teken fan de eksamens en wat dêrnei komt. Der binne noch hieltyd guon dy't net witte wat se hjirnei dwaan wolle. Sa hat Roos bygelyks al in keamer yn Grins, mar se hat noch gjin stúdzje fûn. Op 16 juny rint de spanning heech op as de direkteur om healwei fiven binnenkomt mei de eksamenútslaggen.
LTV_DICHTERS

Fryske dichters om utens

11 Desimber 1994

Yn dit programma komme trije Fryske dichters om utens oan it wurd, se prate oer it Frysk, oer har wurk en wat har dwaande hâldt. Cor van der Wal komt fan Ljouwert en wennet yn Grins, foar syn bondel út 1991 krige er de debutantepriis. Hy skriuwt benammen nachts, is ynteressearre yn astrology en mei graach yn it kafee sitte. Feyo Schelto baron Sixma van Heemstra wennet yn Loosduinen by Den Haag, it Frysk hat er fan hûs meikrigen. Hy wie inisjatyfnimmer fan Operaasje Fers en wurke by tydskrift Quatrebras. Syn roman 'Leafdedea' út 1963 publisearre er ûnder pseudonym Homme Eernstma.
Geert! S01E02: Kûbaard

Geert! S01E02: Kûbaard

25 Maart 2003

Geert van Tuinen is yn it doarpshûs fan Kûbaard. Hy praat mei tal fan ynwenners, lykas Marten Sybesma oer it grut tal keunstners yn it doarp. Mei Ger van Putten is in petear oer wynenerzjy. Geert praat ek mei minsken fan de begraffenisferiening De Laatste Eer dy't 100 jier bestiet en mei boatebouwer Harrie Vermeulen. De live-muzyk komt fan de Fryske band Reboelje.