Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

180713_SADWAANDE_OER_ARGEWAASJE_05_04_2000.mp4

Sadwaande: Argewaasje

05 April 2000

Dizze Sadwaande giet oer argewaasje, wêr ergerje minsken har oan? Oan tal fan saken: hurdride op de dyk, hûnestront op strjitte. En hoe sit dat op it wurk? Dêr spylje saken as te lytse kantoarromte en kompjûterproblemen, we prate dêroer mei in organisaasjesaakkundige. Mar ek it ferkear of telefyzjeprogramma's soargje foar argewaasje. We sjogge ek op de redaksje fan de Leeuwarder Courant, wat dogge se mei de ynstjoerde brieven? We sjogge ek by ien fan de 'fêste' brieveskriuwers. En prinses op learzens hat in oplossing foar lûdsoerlêst.
OPBOU_1_WEROMROP

De Opbou 1: De oanrin

10 Maart 1991

Yn in trijelûk komt de yndustrialisaasje oan de oarder oan de hân fan Philips Drachten as foarbyld. Nei de oarloch moast derfoar wurkgelegenheid soarge wurde, it regear kaam mei in plan en wiisde gebieten oan foar ûntwikkeling. Dêr siet ek it eastlike part fan Fryslân by, de earme Wâlden. Minsken moasten fan de lânbou nei de yndustry lokke wurde, der wie sels spesiaal in Frysk Polygoonpromofilmke makke.Tal fan oaren emigrearren nei Kanada, mar oaren moasten hjir oan it wurk.
Hjoed: de caravan

Hjoed: de caravan

02 April 2005

In heal kratsje bier de man. Neffens de lanlike Stichting Alcoholpreventie, koartsein STAP, is dit it gemiddelde alkoholgebrûk fan jongeren yn eigen keten en caravans. 'Skrikbarend' fynt de STAP. Yn Fryslân binne inkelde hûnderten caravans dêr't jongeren byinoar komme en sûnder tafersjoch oan it bier sitte. Dat it ek oars kin bewiist in groepke jongeren yn Driezum. Dêr lette de âlderen op it drinkgedrach fan 'e jongeren.