Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Wyn op Woansdei: Lichtpunt

01 Desimber 2004

Programmamakker Gerard van der Veer sjocht by it 'Lichtpunt' yn Kollumersweach. Dêr wurdt jierliks in heal miljoen euro fertsjinne mei de hannel yn twaddehânsguod. Al dat jild wurdt stutsen yn de eigen krisisopfang foar lju dy't ferslave binne, dakleazen en oare minsken dy't it spoar bjuster binne. Dêrnjonken organisearret it Lichtpunt ek gesellichheidsjûnen foar minsken allinne. Gerard van der Veer folget en praat in pear wiken mei de bewenners, it personiel en de frijwilligers fan it Lichtpunt.

Fermaak yn Fryslan 1 De wrâld fan Teake van der Meer

12 Jannewaris 1989

Teake van der Meer stiet bekend as de Fryske kabaretier. Yn de earste útstjoering fan Fermaak yn Fryslân in portret oer syn libben en karriêre. Want wat is it geheim fan syn humor?

Wyn op woansdei: Uterlik

25 Septimber 2002

Programmamakker Gerard van der Veer wol witte wêrom't guon minsken opfalle wolle as it om har uterlik giet. Wat giet yn har om? Hy praat mei bodybuilder René. Hy traint foar it WK, yt 14 makrelen yn de wike en yt foar 250 euro yn de wike oan sûn iten. Maaike is sljocht op klean, se hat der sels in aparte keamer foar. Har styl is Gothic, en har hier is pears. Philip is tattoo-earder. Syn eigen lichem sit ek hielendal fol. Mei Theo Bouman, klinysk psycholooch, praat Gerard deroer oft soks no genetysk bepaald wêze kin.