Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

180216_WURKTIID_111296.mp4

Wurktiid TV: Stylist

11 Desimber 1996

Gido Leffring presintearret dizze Wurktiid TV, hy siket in baan yn de kommersjele sektor. Baan fan de wike is in stylist by De Huismus, ynterieurwinkel yn Ljouwert. We sjogge by in strúsfûgelfokkerij yn Ketlik. Ek sjogge we by it emansipaasjeburo dat mear froulju yn bestjoersfunksjes krije wol.

FRYSLAN500_20061998_WEROMROP.mp4

Hjoed: Fryslân 500, de offisjele betinking

20 Juny 1998

Yn Hjoed fan 20 juny 1998 is de offisjele betinking fan Fryslân 500 te sjen. Dat wie yn de Grutte Tsjerke yn Ljouwert yn bywêzen fan prinsesse Margriet. Kommissaris Loek Hermans faget de flier oan mei de minsken dy't krityk ha op Fryslân 500. Fryske organisaasje boykotte de betinking. Neffens Hermans is 1498 in kearpunt yn de skiednis en hat it de basis lein foar ús bestjoersfoarm. Yn de dêropfolgjende reportaazje is te sjen dat oan de oprop om te flagjen net folle gehoar jûn is. Yn Bitgum wapperet de swarte flagge oan de tsjerketoer, in inisjatyf fan de koster.

180131_LTV_ISELMARFISKERS.mp4

LTV: De lêste Iselmarfiskers

25 Septimber 1994

Dokumintêre oer Iselmarfiskers. De tiden dat de fûken grôtfol iel sieten, lizze fier achter ús. Fersmoarging, ielguozzen en betingsten fan de oerheid meitsje it berop fan ielfiskers dreech. We geane in dei mei fiskers út Starum de Iselmar op. Yn dit programma komme ek in biolooch, in topamtner en in fiskhanneler oan it wurd.