Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Om Utens: Pauline Krikke

26 Maart 1998

Yn it programma Om Utens wurde bekende Friezen portrettearre dy’t bûten Fryslân wenje en wurkje. Dizze útstjoering giet oer Pauline Krikke út Snits. Se hat Fryslân ynwiksele foar Amsterdam dêr’t se wethâlder wie.

Studearje yn unifoarm

01 Septimber 1996

Dizze dokumintêre út 1996 giet oer de seefeartskoalle Willem Barentsz op Skylge. It maritym ynstitút hat in eigen trainingssimulator. Ek wurdt der gebrûk makke fan in fideoskerm en in folslein ynrjochte skipsbrêge.

It Oare Fryslân 1: de âlde spraak

28 Novimber 1999

It Oare Fryslân is in fjouwerdielige rige oer East-en Noardfryslân. Yn diel ien stiet de âlde spraak sintraal, oer de skiednis fan de Fryske taal. Yn East-Fryslân is de taal, útsein de trije doarpkes fan Sealterlân, útstoarn. Men is der oergean op it Ost-Friesisch Plat. Yn Noard-Fryslân binne noch sa'n 1.0000 minsken Frysktalich, mei njoggen dialekten. Mei Oebele Vries wurdt socht nei spoaren fan it Fryske ferline.